Uffg'Blues'd

Liewer

Liewer, sacht se
Liewer kumm mol riwwer
Ich hab' des was Dir heit nacht noch fehlt
Liewer, sacht se
Liewer kumm mol riwwer
Gebschd mer aach e bissl Geld

Sie hockt sich donn on ihr Fenschder
die Fingernäschl frisch poliert
Do sieht se aach schunn änner
der sich noch e bissl ziehrt

Liewer, sacht se
Liewer kumm mol riwwer
Ich hab' des was Dir heit nacht noch fehlt
Liewer, sacht se
Liewer kumm mol riwwer
Gebschd mer aach e bissl Geld

Der braucht soi Geld fer Miet'
Im Portmonnee e großes Loch
Der loßt's heit' liewer bleiwe
Geld gebt's ersch die onner Woch'

Liewer, sacht se
Liewer hab' ich änner mit me Haufe Geld
Liewer, sacht se
Liewer mach' ich donn des
was dir heit noch fehlt

Heit is kää Gschäft zu mache
s wird dunkel un s reschend draus
manch änner hätt' se heit' noch g'funne
doch bei dem Wetter geht
känner aus'm Haus

Liewer, sacht se
Liewer hab' ich änner mit me Haufe Geld
Liewer, sacht se
Liewer mach' ich donn des
was dir heit noch fehlt
was mir heit nacht noch fehlt
was Eich heit nacht noch fehlt

Zurück